29.1 C
Jaffna
Friday, May 7, 2021

கனடா தினத்திற்குள் கனேடியர்கள் அனைவருக்கும் தடுப்பூசி வழங்குவது சாத்தியமா? ஒர் பார்வை,

COVID பெரும் தொற்றின் ஒரு வருட காலத்தில் கனேடிய அரசியல் தலைவர்களிடம் கோரப்பட்ட பிரதான விடயம் ஒன்றுதான்: தொற்றுநோயை நிர்வகித்தல்.
ஆனாலும் COVID ஒரு பெரும் தொற்றாக அறிவிக்கப்பட்ட ஒரு வருட காலத்தில் G7 நாடுகளில் மிகவும் மோசமான பற்றாக்குறை, மோசமான வேலையற்ற விகிதம், மோசமான தடுப்பூசி வழங்கல் விகிதம் ஆகியவற்றை கொண்ட நாடாக கனடா தற்போது உள்ளது.

கனடாவில் சுமார் 37.7 மில்லியன் மக்கள் உள்ளனர். இவர்களில் சுமார் 31.5 மில்லியன் பேர் 16 வயதுக்கு மேற்பட்டவர்களாகவுள்ளனர். இவர்கள் அனைவரும் COVID தடுப்பூசிகளுக்கு தகுதியானவர்கள். இப்போது கனேடிய அரசாங்கத்தின் சவாலாக இருக்கும் விடயம் இவர்கள் அனைவருக்கும் தடுப்பூசிகளை வழங்குவதுதான்.

இந்தப் பெரும் தொற்றின் ஆரம்பம் முதல் தடுப்பூசி கொள்வனவு குறித்த விடயத்தில் கனேடிய அரசாங்கம் அதிக அக்கறை செலுத்தியது. உலகளாவிய ரீதியில் அதிக எண்ணிக்கையில் தடுப்பூசிகளைக் கொள்வனவு செய்த நாடுகளின் பட்டியலில் கனடா முன்னிலையும் வகித்தது.

ஆனாலும் தடுப்பூசிகளைக் கொள்வனவு செய்வதற்கான ஒப்பந்தங்களில் கைச்சாத்திடுவதற்கும் அந்த ஒப்பந்தங்கள் தடுப்பூசி விநியோகமாக கனடாவை வந்தடைவதற்கும் இடையில் பெரும் இடைவெளி உள்ளது – அந்த இடைவெளிச் சிக்கலைத் தான் கனடா தற்போது எதிர்கொள்கின்றது.

இதுவரையிலும் கனடாவில் நான்கு தடுப்பூசிகள் பாவனைக்காக Helath கனடாவினால் அனுமதி வழங்கப்பட்டுள்ளது. Moderna, Pfizer-BioNTech, AstraZeneca, Johnson & Johnson ஆகிய தடுப்பூசிகளுக்கு கனடாவில் அனுமதி வழங்கப்பட்டுள்ளது.

இந்த நிலையில் கனடா தினத்திற்கு முன்னர் COVID தடுப்பூசியைப் பெற விரும்பும் கனேடியர்கள் அனைவருக்கும் தடுப்பூசியை வழங்குவது சாத்தியமா என்ற கேள்விதான் இப்போது கனடாவில் பிரதானமானதாக உள்ளது.

தொற்றின் மூன்றாவது அலையை தற்போது கனடா எதிர்கொள்கின்றது. நாளாந்தம் தொற்றின் எண்ணிக்கை அதிகரித்து வருகின்றது. குறிப்பாக தொற்றின் புதிய திரிபுகள் காரணமாக முதல் இரண்டு அலைகளை விட மூன்றாவது அலையின் பாதிப்பு அதிகரிக்கும் என்பது சுகாதார அதிகாரிகளின் கருத்தாக உள்ளது.

இதனால் மாகாணங்களினதும் பிராந்தியங்களினதும் தடுப்பூசி வழங்கும் பணியின் முக்கியத்துவம் அதிகரித்துள்ளது. ஆனாலும் தடுப்பூசிகள் எவ்வளவு விரைவாக கனேடியர்களை சென்றடையும் என்பது உள்ளிட்ட பல கேள்விகள் உள்ளன.

இந்த (March) மாதத்தின் 31ஆம் தித்திக்குள் ஆறு மில்லியன் தடுப்பூசிகளைப் பெறுவதற்குப் பதிலாக, கனடா எட்டு மில்லியன் தடுப்பூசிகளைப் பெறும் என பிரதமர் Justin Trudeau அறிவித்தார். இதில் Pfizerடமிருந்து மேலும் 1.5 மில்லியன் தடுப்பூசிகளும் சமீபத்தில் அங்கீகரிக்கப்பட்ட AstraZenecaவிடமிருந்து 500,000 தடுப்பூசிகளும் பெற்றுக்கொள்ளப்படும்.

கொள்முதல் அமைச்சரான அனிதா ஆனந்த் கனடா June மாத இறுதிக்குள் குறைந்தது 36.5 மில்லியன் தடுப்பூசிகளைப் பெறுவதற்கான சாத்தியக்கூறுகள் உள்ளது – September மாத இறுதிக்குள் மொத்தம் 117.9 மில்லியன் தடுப்பூசிகளை கனடா பெறும் என உறுதியளித்தார்.

இவற்றுக்கு மத்தியில் இதுவரையில் Health கனடாவால் அங்கீகரிக்கப்பட்ட தடுப்பூசிகளைக் கொண்ட நான்கு நிறுவனங்கள் Pfizer, Moderna, AstraZeneca , Johnson & Johnson என்பதையும் – இப்போது அவை 16வயதிற்கு மேல் உள்ளவர்களுக்கு வழங்குவதற்கு மட்டும் அங்கீகரிக்கப்பட்டுள்ளன என்பதையும் நினைவில் வைத்திருப்பது அவசியமானது.

கனடாவின் தேசிய நோய்த்தடுப்பு பிரச்சாரத்தின் அடுத்த கட்டமான Mass Vaccination நடைபெறவுள்ளது. இந்த (March) மாதத்தில் 3.5 மில்லியன் தடுப்பூசிகள் கனடாவை வந்தடைந்துள்ள நிலையில், இந்த தடுப்பூசி வழங்கும் கட்டம் ஆரம்பிக்கவுள்ளது.
கனடா தினத்திற்குள் கனடியர்கள் (16 வயதிற்கு மேல் உள்ள) அனைவருக்கும் தடுப்பூசி வழங்குவது சாத்தியமா என்பதை விட இந்த இலக்கை அடைவதற்கு கனடா என்ன செய்ய வேண்டும் என்ற கேள்வி பொருத்தமானதாகும்.

கனடாவில் சுமார் 31.5 மில்லியன் பேர் 16 வயதுக்கு மேற்பட்டவர்கள். இவர்கள் சிலர் ஏற்கனவே தமது தடுப்பூசிகளைப் பெற்றுள்ளனர். தற்பொழுது உள்ள நிலவிரத்தின்படி, நாள் ஒன்றிற்கு 263,000 பேருக்கு, அல்லது ஒரு மணி நேரத்திற்கு 11,000 பேருக்கு தடுப்பூசி வழக்கப்பட வேண்டும். இந்த திட்டத்தை பின்பற்றினால் கனடா தினத்திற்குள் 16வயதிற்கு மேல் உள்ள கனேடியர்கள் அனைவரும் தடுப்பூசியை பெறுவார்கள்.
இது அசாத்தியமாக தோன்றினாலும் சாத்தியபடக்கூடிய ஒன்றே.

அமெரிக்கா நாளாந்தம் 2.1 மில்லியன் மக்களுக்கு தடுப்பூசி வழங்கி வருகிறது. கனடாவின் மக்கள் தொகை அமெரிக்காவின் மக்கள் தொகையில் சுமார் 11.5 சதவிகிதம் ஆகும், எனவே அமெரிக்காவின் வேகத்துடன் பொருந்தினால், கனடாவால் ஒரு நாளைக்கு 241,500 பேருக்கு தடுப்பூசி வழங்க முடியும் என கனடா அரசு தெரிவிக்கிறது.

இந்த திட்டத்தை அடைய ஒரு நாளைக்கு இன்னும் 21,500 தடுப்பூசிகள் தேவைப்படும். கனடாவில் பயன்படுத்த அனுமதிக்கப்பட்ட COVID தடுப்பூசிகள் அனைவருக்கும் இலவசம். அவை அரசின் முன்னுரிமை பட்டியலுக்கு உட்பட்டவர்கள் அனைவருக்கும் முதலில் வழங்கப்படும். தேசிய, மாகாண, பிராந்திய பொது சுகாதார அதிகாரிகளால் தடுப்பூசி பெற பரிந்துரைக்கப்படும் அனைவருக்கும் அவை வழங்கப்படும்.

கனடாவில் உள்ள அனைவருக்குமே இது பொருந்தும். குடியுரிமை பெறாதவர்களுக்கும் 16 வயதிற்கு மேல் உள்ளவர்களுக்கு, Pfizer தடுப்பூசியும், 18 வயதிற்கு மேல் உள்ளவர்களுக்கு Moderna, AstraZeneca தடுப்பூசியும் அனைத்து கனேடிய ஆயுதப்படையினருக்கு (வெளிநாட்டில் உள்ளவர்கள் உட்பட) Johnson & Johnson தடுப்பூசியும் வழங்கப்படும். இதுவே கனேடிய அரசாங்கத்தின் திட்டம்.
இதனை கனடா தினத்திற்குள் சாத்தியப்படுத்துவது கனேடிய அரசாங்கத்தின் முன் உள்ள சவாலாகும்!

நன்றிஇலங்கதாஸ் பத்மநாதன்

Related Articles

ஜனாதிபதி நினைப்பதையெல்லாம் பிரயோக ரீதியில் நடத்திவிட முடியாது! நடேசன் சுந்தரேசன்

உரத்தடையின் மூலம் எமது நாட்டின் பொருளாதாரம் நிச்சயம் வீழ்ச்சியடையும். இன்றைய நிலையில் நாம் நம்பியிருக்கின்ற உற்பத்தி அரிசியும், ஒரு பாதி தேங்காயுமேயாகும். அதுவும் இல்லாமல் இறக்குமதி செய்யும் நிலைமைக்கே நாடு வந்து சேரும்....

வடக்கு மாகாணத்தில் மேலும் 20 பேருக்கு கோரோனா

யாழ்ப்பாணம் மாவட்டத்தில் 18 பேர் உள்பட வடக்கு மாகாணத்தில் மேலும் 20 பேருக்கு கோரோனா தொற்று உள்ளமை இன்று வெள்ளிக்கிழமை கண்டறியப்பட்டுள்ளது என்று மாகாண சுகாதார சேவைகள் பணிப்பாளர், மருத்துவர்...

ஈழத்தமிழர் நல்வாழ்விற்கு தொடர்ச்சியாக ஆதரவு வழங்குங்கள்

தமிழகத்தில் நடைபெற்ற 2021 சட்டமன்றத் தேர்தலில் வெற்றி பெற்று இன்று பதவி ஏற்கும் மாண்புமிகு மு.க.ஸ்டாலின் அவர்களின் தலைமையிலான திராவிட முன்னேற்ற கழக (தி.மு.க) அரசிற்கு பொத்துவில் தொடக்கம் பொலிகண்டி வரை மக்கள்...

Stay Connected

6,870FansLike
620FollowersFollow
1,026SubscribersSubscribe
- Advertisement -

Latest Articles

ஜனாதிபதி நினைப்பதையெல்லாம் பிரயோக ரீதியில் நடத்திவிட முடியாது! நடேசன் சுந்தரேசன்

உரத்தடையின் மூலம் எமது நாட்டின் பொருளாதாரம் நிச்சயம் வீழ்ச்சியடையும். இன்றைய நிலையில் நாம் நம்பியிருக்கின்ற உற்பத்தி அரிசியும், ஒரு பாதி தேங்காயுமேயாகும். அதுவும் இல்லாமல் இறக்குமதி செய்யும் நிலைமைக்கே நாடு வந்து சேரும்....

வடக்கு மாகாணத்தில் மேலும் 20 பேருக்கு கோரோனா

யாழ்ப்பாணம் மாவட்டத்தில் 18 பேர் உள்பட வடக்கு மாகாணத்தில் மேலும் 20 பேருக்கு கோரோனா தொற்று உள்ளமை இன்று வெள்ளிக்கிழமை கண்டறியப்பட்டுள்ளது என்று மாகாண சுகாதார சேவைகள் பணிப்பாளர், மருத்துவர்...

ஈழத்தமிழர் நல்வாழ்விற்கு தொடர்ச்சியாக ஆதரவு வழங்குங்கள்

தமிழகத்தில் நடைபெற்ற 2021 சட்டமன்றத் தேர்தலில் வெற்றி பெற்று இன்று பதவி ஏற்கும் மாண்புமிகு மு.க.ஸ்டாலின் அவர்களின் தலைமையிலான திராவிட முன்னேற்ற கழக (தி.மு.க) அரசிற்கு பொத்துவில் தொடக்கம் பொலிகண்டி வரை மக்கள்...

யாழ். பல்கலைக்கழக கிளிநொச்சி வளாகத்தின் கல்விச் செயற்பாடுகள் இடைநிறுத்தம் ! பரீட்சைகள்?

நாட்டில் எழுந்துள்ள சூழ்நிலையைக் கருத்தில் கொண்டு யாழ்ப்பாணப் பல்கலைக்கழகத்தின் கிளிநொச்சி வளாகத்தில் அமைந்துள்ள பொறியியல் பீடம், விவசாய பீடம், தொழில் நுட்ப பீடம் ஆகியவற்றின் கல்வி நடவடிக்கைகள் இடைநிறுத்தப்பட்டு, விடுதிகளில் தங்கியிருக்கும் மாணவர்களை...

தேசிய ரீதியில் முதலிடம் பெற்ற மாணவனை கௌரவித்த கூட்டமைப்பு

க.பொ.த உயர்தர பரீட்சையில் கணிதப்பிரிவில் அகில இலங்கை ரீதியில் முதலிடம் பெற்ற சாவகச்சேரி இந்துக் கல்லூரி மாணவன் தனராஜ் சுந்தர்பவனை இன்றைய தினம் அவரது இல்லத்தில் பாராளுமன்ற உறுப்பினர் த.சித்தார்த்தன் மற்றும்...