2020ம் ஆண்டுக்கான தாதாசாகேப் பால்கே விருதுகள் அறிவிக்கப்பட்டுள்ளது.
வெற்றிமாறன் இயக்கத்தில் ரிலீஸான அசுரன் படத்தில் சிவசாமியாகவே வாழ்ந்து ரசிகர்களை கவர்ந்த தனுஷுக்கு சிறந்த நடிகருக்கான தாதாசாகேப் பால்கே விருது கிடைத்துள்ளது. சிறந்த பன்முகத்தன்மை வாய்ந்த நடிப்பாற்றல் கொண்ட நடிகருக்கான விருது அஜித்துக்கு கிடைத்துள்ளது. செழியன் இயக்கிய டூலெட்டுக்கு சிறந்த படத்திற்கான விருது கிடைத்துள்ளது.
கௌதம் ராஜ் இயக்கிய ராட்சசி படத்தில் சிறப்பாக நடித்திருந்த ஜோதிகாவுக்கு சிறந்த நடிகைக்கான விருது கிடைத்துள்ளது. அந்த படத்தில் அவர் கூலான மற்றும் மிகவும் தைரியமான பள்ளி தலைமை ஆசிரியையாக நடித்திருந்ததை யாராலும் மறக்க முடியாது. வித்தியாசத்திற்கு பெயர் போன பார்த்திபனுக்கு ஒத்த செருப்பு சைஸ் 7 படத்திற்காக சிறந்த இயக்குநர் விருது கிடைத்துள்ளது.
சிறந்த இசையமைப்பாளருக்கான விருது அனிருத்துக்கு கிடைத்துள்ளது. தாதாசாகேப் பால்கே விருது கிடைத்துள்ளதை பார்த்த அஜித், தனுஷ் ரசிகர்கள் கொண்டாட்ட மூடில் இருக்கிறார்கள்.
தாதாசாகேப் பால்கே தென்னிந்திய சினிமா விருதுகள்-2020 இற்காக அஜித்குமார், தனுஷ் மற்றும் ஜோதிகா உள்ளிட்ட திரைப்பிரபலங்கள் தெரிவு செய்யப்பட்டுள்ளனர்.
தமிழ், மலையாளம், தெலுங்கு மற்றும் கன்னட திரையுலகின் சிறந்த, திறமையான கலைஞர்களை கவுரவிக்கும் வகையில் தாதாசாகேப் பால்கே தென்னிந்திய சினிமா விருதுகள் வழங்கப்படுகின்றன. அவ்வகையில், 2020ம் ஆண்டுக்கான தாதாசாகேப் பால்கே தென்னிந்திய சினிமா விருதுகள் அறிவிக்கப்பட்டுள்ளன.
தமிழ் சினிமா விருதுகள்:
பன்முகத்தன்மை வாயந்த நடிகர் -அஜித்குமார்
சிறந்த நடிகர் – தனுஷ் (அசுரன்)
சிறந்த நடிகை – ஜோதிகா (ராட்சசி)
சிறந்த இயக்குனர் – ஆர்.பார்த்திபன் (ஒத்தசெருப்பு சைஸ் 7)
சிறந்த படம் – டூ லெட்
சிறந்த இசையமைப்பாளர் – அனிருத்
மலையாளம்:
பன்முகத்தன்மை வாய்ந்த நடிகர் -மோகன்லால்
சிறந்த நடிகர் – சுராஜ் வெஞ்சரமூடு (ஆண்ட்ராய்டு குஞ்சப்பன் வெர்சன் 5.25)
சிறந்த நடிகை – பார்வதி திருவோத்து (உயரே)
சிறந்த இயக்குனர் – மது சி.நாராயணன் (கும்பலங்கி நைட்ஸ்)
சிறந்த படம் – உயரே
சிறந்த இசையமைப்பாளர் – தீபக் தேவ்
தெலுங்கு
பன்முகத்தன்மை வாய்ந்த நடிகர் -நாகார்ஜுனா
சிறந்த நடிகர் -நவீன் பாலிஷெட்டி (ஏஜென்ட் சாய் சீனிவாச ஆத்ரேயா)
சிறந்த நடிகை – ராஷ்மிகா மந்தனா (டயர் காம்ரேட்)
சிறந்த இயக்குனர் – சுஜீத் (சாஹோ)
சிறந்த படம் – ஜெர்சி
சிறந்த இசையமைப்பாளர் – எஸ்.தாமன்
கன்னடம்
பன்முகத்தன்மை வாய்ந்த நடிகர் – சிவராஜ்குமார்
சிறந்த நடிகர் – ராக்ஷித் ஷெட்டி (அவனே ஸ்ரீநாம்நாராயணா)
சிறந்த நடிகை – தான்யா ஹோப் (யஜமானா)
சிறந்த இயக்குனர் – ரமேஷ் இந்திரா (பிரிமியர் பத்மினி)
சிறந்த படம் – முகஜ்ஜியா கனசுகலு
சிறந்த இசையமைப்பாளர் – வி.ஹரிகிருஷ்ணா
